Tuich me pregon, Engles, qe vos don saut

Raimbaut de Vaqueiras

A vos, bona don'e pros, Ar pren camgat per tostemps de xantar, Ara pot hom conoisser e proar Ara·m digatz, Rambaut, si vos agrada, Ben sai e conosc veramen Conseil don a l'emperador, D'amor no·m lau, qu'anc non pogey tan aut Domna, tant vos ai preiada, D'una dona·m tueill e·m lais, Eissamen ai gerreiat ab amor El so que pus m'agensa Era·m requier sa costum'e son us Eras quan vey verdeyar Et oy Deu, d'amor Fauc per remembransa Forsat m'a encontra devet Gaita be, gaiteta del chastel, Gerras ni plaich no·m son bo Ges, si tot ma don'et amors Ja hom pres ni dezeretatz Ja non cujei vezer Kalenda maia Las frevols venson lo plus fort, Leu pot hom gauch e pretz aver Leus sonetz, No m'agrad'iverns ni pascors No puesc saber per que·m sia destregz Savis e fols, humils et orgoillos, Seigner Coine, jois e pretz et amors Senher n'Aymar, chauzes de tres baros Si ja amors autre pro non tengues Truan, mala guerra Tuich me pregon, Engles, qe vos don saut

Domna, tant vos ai preiada,
Si·us plaz, q'amar me voillaz,
Q'eu sui vostr'endomenhaz,
Car es pros et enseignada
E toz bos prez autreiaz!
Per qe·m plai vostr'amistaz.
Car es en toz faiz cortesa,
S'es mos cors en vos fermaz
Plus q'en nulla Genoesa,
Per q'er merces si m'amaz!
E pois serai meilz pagaz
Qe s'era mia·ill ciutaz,
Ab l'aver q'es ajostaz,
Dels Genoes.

Jujar, voi no sei corteso
Qe me chaidejai de zo,
Qe niente no farò.
Ance fossi voi apeso
Vostr'amia non serò.
Certo, ja ve scanerò,
Provenzal malaurao
Tal enojo ve diro:
Sozo, mozo, escalvao
Ni ja voi non amerò,
Q'eu chu bello marì ò
Qe voi no sei, ben lo so.
Andai via, frar, eu temp'ò
Meill aurà

Domna gent'et essernida,
Gai'e pros e conoissenz,
Valla·m vostr'ensegnamenz,
Car jois e jovenz vos gida,
Cortesi'e prez e senz
E toz bos captenemenz!
Per qe·us sui fidels amaire
Senes toz retenemenz,
Francs, humils e merceiaire,
Tant fort me destreing e·m venz
Vostr'amors, qe m'es plasenz!
Per qe sera chausimenz,
S'eu sui vostre benvolenz
E vostr'amics.

Jujar, voi semellai mato,
Qe cotal razon tegnei.
Mal vignai e mal andei
Non avei sen per un gato,
Per qe trop me deschasei,
Qe mala cosa parei!
Ni no volio qesta cosa,
Si fossi fillo de rei.
Credi voi que sia mosa
Mia fe, no m'averei
Si per m'amor ve chevei,
Oguano morrei de frei:
Tropo son de mala lei
Li Provenzal.

Domna, no·m siaz tant fera,
Qe no·s cove ni s'eschai!
Anz taing ben, si a vos plai,
Qe de mo sen vos enqera
E qe·us am ab cor verai,
E vos qe·m gitez d'esmai,
Q'eu vos sui hom e servire,
Car vei e conosc e sai,
Qant vostra beutat remire
Fresca cum rosa en mai,
Q'el mont plus bella no·n sai,
Per qe·us am et amarai,
E si bona fes mi trai,
Sera pechaz.

Jujar, to proenzalesco,
S'eu aja gauzo de mi,
Non prezo un genoi.
No t'entend plui d'un Toesco
O Sardo o Barbari,
Ni non o cura de ti.
Voi t'acaveilar co mego
Si·l savera me'mari,
Mal plait averai con sego.
Bel messer, ver e've di:
No vollo questo lati!
Fraello, zo ve afi.
Proenzal, va, mal vesti,
Largaime star

Domna, en estraing cossire
M'avez mes et en esmai!
Mas enqera·us preiarai
Qe voillaz q'eu vos essai,
Si cum Provenzals o fai,
Qant es pojatz.

Jujar, no sero con tego,
Pos'asi te cal de mi!
Meill vara, per sant Marti,
S'andai a ser Opeti,
Que dar v'a fors'un ronci,
Car sei jujar.

Source: http://www.cam.org/~malcova/troubadours/