Tuich me pregon, Engles, qe vos don saut

Raimbaut de Vaqueiras

A vos, bona don'e pros, Ar pren camgat per tostemps de xantar, Ara pot hom conoisser e proar Ara·m digatz, Rambaut, si vos agrada, Ben sai e conosc veramen Conseil don a l'emperador, D'amor no·m lau, qu'anc non pogey tan aut Domna, tant vos ai preiada, D'una dona·m tueill e·m lais, Eissamen ai gerreiat ab amor El so que pus m'agensa Era·m requier sa costum'e son us Eras quan vey verdeyar Et oy Deu, d'amor Fauc per remembransa Forsat m'a encontra devet Gaita be, gaiteta del chastel, Gerras ni plaich no·m son bo Ges, si tot ma don'et amors Ja hom pres ni dezeretatz Ja non cujei vezer Kalenda maia Las frevols venson lo plus fort, Leu pot hom gauch e pretz aver Leus sonetz, No m'agrad'iverns ni pascors No puesc saber per que·m sia destregz Savis e fols, humils et orgoillos, Seigner Coine, jois e pretz et amors Senher n'Aymar, chauzes de tres baros Si ja amors autre pro non tengues Truan, mala guerra Tuich me pregon, Engles, qe vos don saut

El so que pus m'agensa
De Mon Rabey,
Vos diray com comensa
Un ric torney,
Que fo fag en Proensa.
Qui mielhs o fey
Vos diray ses bistensa,
C'om mens de mey
Non cobri ni non jensa
Malvat domney.
Perdutz fo, qui que.l vensa,
El garlambey
Mans destrier de valensa,
Mas yeu no vey
Qui planha la falhensa.

Gen fe la comensansa
Lo don del Baus!
E, qui·l ver en romansa,
Ac sos chivaus
Gran gol'e grossa pansa
E semblet braus,
Si que·l jorn en balansa
Juys lo vassaus,
Qu'en Raimon ab sa lansa
Lo mes el raus,
Rainoart, ses doptansa,
Que·l caval claus!
E·n Guilhem per semblansa
No se·n fes maus,
Ans quer alhor enguansa.

En la cocha feria
Vi tot premier
Dragonet, que sezia
Us en destrier
Pauc, mas poder avia
Gran e sobrier!
Mas un pauc de feunia
L'a son corssier,
Que l'a tolt gualhardia
Et alegrier!
Per so·n cazec lo dia
Lai el gravier!
Mas non planh la falhia
Del cavayer
Qu'es de sa companhia.

Lo coms cuy fon Belcaire
Venc al sembel
Desus un destrier vaire,
C'om ten per bel!
E·n Pos fo sos justaire,
Qui que·n gragel,
De Monlaur, o que·n laire,
Que·l gastinel
Li saup jen de jotz traire
Fresqu'e novel!
E·l coms no·y dona gaire,
Car pus isnel
N'a conquis de bon aire,
Que cre s'ensel
Trop mielhs per justa faire.

Barral, sel de Marcelha,
Vi gent armat
Sul destrier c'a la selha
Negr'e·l pel plat,
E val be mil tans celha
Sel d'en Lobat.
Sel de Vila·l redelha,
Que l'ai trobat
Lay desotz una trelha
Tot enpachat,
C'a pauc no·l desparelha
Del saur pomat!
E·n Barraus s'escabelha
Coma neyat,
Pueys rete·l per l'aurelha.

Si vi en la telena
En Pons justar
De Mondrago, c'a pena
O aus comtar,
Qu'ieu lo vi en l'arena
Jos trabucar,
Que, tota s'asta plena,
Lo fes tombar
Us escudiers, quen mena
Lo ros liar
Magre, cuy par la vena
Gross'al colar!
E·n Pos no s'esfelena
De recobrar,
Ans quer alhors estrena.

Jen venc en la batalha
Lo dons garnitz
De Meolho, ses falha,
Qui·l ver en ditz!
E fo pus gras que calha
Sos arabitz!
Ab Nicolau s'engalha,
Que·l fon aizitz,
........................................
........................................
Que.l mes jotz la ventalha
Lo cal que nitz,
Si c'anc no·n restet malha!
E·l dons en ritz,
Pueys ditz que no li·n calha.

Jen vi en la mesclanha
Mon Avengut
Sus en caval d'Espanha,
C'a trop tengut!
No sap qui·l se guazanha,
Qu'el l'a perdut
........................................
........................................
Que lay part Alamanha
Son esperdut
Li trey d'una companha!
Mas non aug brut
Ni home que·ls en planha,
Car so vencut
Lay en la terr'estranha.

Source: http://www.cam.org/~malcova/troubadours/