Tuich me pregon, Engles, qe vos don saut

Raimbaut de Vaqueiras

A vos, bona don'e pros, Ar pren camgat per tostemps de xantar, Ara pot hom conoisser e proar Ara·m digatz, Rambaut, si vos agrada, Ben sai e conosc veramen Conseil don a l'emperador, D'amor no·m lau, qu'anc non pogey tan aut Domna, tant vos ai preiada, D'una dona·m tueill e·m lais, Eissamen ai gerreiat ab amor El so que pus m'agensa Era·m requier sa costum'e son us Eras quan vey verdeyar Et oy Deu, d'amor Fauc per remembransa Forsat m'a encontra devet Gaita be, gaiteta del chastel, Gerras ni plaich no·m son bo Ges, si tot ma don'et amors Ja hom pres ni dezeretatz Ja non cujei vezer Kalenda maia Las frevols venson lo plus fort, Leu pot hom gauch e pretz aver Leus sonetz, No m'agrad'iverns ni pascors No puesc saber per que·m sia destregz Savis e fols, humils et orgoillos, Seigner Coine, jois e pretz et amors Senher n'Aymar, chauzes de tres baros Si ja amors autre pro non tengues Truan, mala guerra Tuich me pregon, Engles, qe vos don saut

...........................................
...........................................
...........................................
...........................................
...........................................
...........................................
...........................................

Forsat m'a encontra devet
E tengut enclaus et encout,
Si co·l leos vol la forest,
Que tot quant es dedins s'espert
E non eis pel frest ni pel sim!
E fals'amor destreis m'aisi e·m pois
E·m fes anar lonc termini a orsa.

Ben es vers c'a orsa·m menet,
E fis que fols quar lei ai cout,
Que·l no ret gaerdo de prest,
C'aisi m'a sos fals digz cubert
Que de fraiser fazia vim,
C'ab sos bels digz m'aplanet e m'enois
E mostret me com ieu de leis m'estorsa.

Estortz sui, mas aisi.m liet
Ab eis lo genh ab que m'a sout,
Mas ieu soi sel que no m'arest
Que lai on fezeutatz se pert,
Quar uns no·i a saber tan prim
Que lai on ve cobe ni mois!
Ni·m part de lui e vauc dretc, qui que·s torsa.

Ges no·m tortz, mas d'aiso·m penet!
Tant ai afilat et esmout,
Qu'ieu cuidava aver conquest
Ric joi, mas en ira·m revert,
Que la fezeutat de Caim
Trobei en leis, que tot be desconois,
Per qu'ieu remanh com l'albres ses l'escorsa.

Fraire, ie·us am pueis que nos vim,
E soi sel que no·us desconois,
Mas ja no vueill amor que trenc ni·s torsa.

Source: http://www.cam.org/~malcova/troubadours/