Tuich me pregon, Engles, qe vos don saut

Raimbaut de Vaqueiras

A vos, bona don'e pros, Ar pren camgat per tostemps de xantar, Ara pot hom conoisser e proar Ara·m digatz, Rambaut, si vos agrada, Ben sai e conosc veramen Conseil don a l'emperador, D'amor no·m lau, qu'anc non pogey tan aut Domna, tant vos ai preiada, D'una dona·m tueill e·m lais, Eissamen ai gerreiat ab amor El so que pus m'agensa Era·m requier sa costum'e son us Eras quan vey verdeyar Et oy Deu, d'amor Fauc per remembransa Forsat m'a encontra devet Gaita be, gaiteta del chastel, Gerras ni plaich no·m son bo Ges, si tot ma don'et amors Ja hom pres ni dezeretatz Ja non cujei vezer Kalenda maia Las frevols venson lo plus fort, Leu pot hom gauch e pretz aver Leus sonetz, No m'agrad'iverns ni pascors No puesc saber per que·m sia destregz Savis e fols, humils et orgoillos, Seigner Coine, jois e pretz et amors Senher n'Aymar, chauzes de tres baros Si ja amors autre pro non tengues Truan, mala guerra Tuich me pregon, Engles, qe vos don saut

Leus sonetz,
Si cum suoill,
Vuoill ades e mon chan,
C'un sirventes prezan
Vuoill far! mas hom no·is cui
Q'ieu ja cel avol brui
Estiers ni en chantens,
Q'anta e dans
Mi par e volpillatges,
Qand ha.is part bos lignatges
Ni l'uns a l'autre faill!
Q'ieu vei que.l Bautz assail
E tal'et es talatz,
Et a parens assatz,
Manens e sojornatz,
E mains altres juratz,
Cui faill cors e barnatz.

Per so dreitz
Non acuoill
C'om sos amics soan
Per gerra, co.l Bautz fan
Lor paren dui e dui!
Que n'Azemars lor jui,
De Peitieus, tot enans,
Tant l'es affans
Gerra e metre gatges!
Mas del plaich fon messatges,
Puois tolc se de trebaill.
En Girautz, al miraill,
Ademars sos coignatz
:mas Bar'es derocatz
L'en blasm', et eu si fatz,
Car del comt'es privatz
Qe.il tol sas eretatz.

Giraudetz
Amics vuoill
Qe.is sojorn aqest an,
C'aissi.s coven d'enfan
Que sas armas estui
Qand hom gast'e destrui
Sos amics plus prezans.
El e Rostans,
Plus parliers c'us gramages,
Tenon per gerr'ostatges,
C'anc trepas ni sonaill
Ni ausberc ab capmaill
No fo per els portatz,
Ni lor cavals armatz,
Ni colps pres ni donatz!
Pero.l coms ten en patz
Lo castel de Mornatz.

Si.l comtetz
De l'orguoill
Qe.l coms li vai mostran
Non fai meillor deman,
Ben sapchatz q'ieu non sui
Dels sieus, anz lo refui,
C'uoimais es bels e grans
E per semblans
Als enemics salvatges!
E.l poders e.l paratges
Taing c'a bon pretz s'engaill,
E gerrei e baraill
Com joves estrunatz.
Mals e braus es doptatz,
E cel deseretatz
Q'es humils ni vol patz
Er prenda cal li platz.

Si neletz
D'autre fuoill
Cantarai, car si van
Li baron cambian!
Q'en Guillems se desdui,
De Monpeslier, a cui
Vim jurar sobre sains
Gerr'e masans,
E dec segre.ls viatges
Del Bautz, mas sos caratges
L'es viratz d'altre taill,
E.l coms non es d'un aill
Cregutz ni sos comtatz!
E.n Pernartz, q'es raubatz,
D'Andus', e desfiatz,
Et a.ls covinens fratz
Del Bautz et oblidatz.

Lo valletz
De Nantuoill
Feri mieills de son bran
Q'en Dragonetz ogan!
E.l Bautz pensa d'autrui,
Q'el non fer ni hom lui
De manes ni de lans.
Ai qans gazaina
E qans bons vassalatges
Sol far, et es dampnatges
Qe tant leu s'anuaill,
Qand ve c'om sobrassaill
Sos parens plus prezatz
E sojorna.is delatz
En Guillems Arnautz jatz,
Que n'es tant mal protatz
C'om l'en ten per malvatz.

Source: http://www.cam.org/~malcova/troubadours/