Un sonet fatz malvatz e bo

Guiraut de Bornelh

A be chantar A be chantar A l'onor Deu torn en mo chan, A penas sai comensar Ab semblan me fai dechazer Ailas, com mor·quez as, amis - Aital chansoneta plana Alegrar me volgr' en chantan Amars, onrars e charteners, Amors, Ans que venha·l nous fruchs tendres Aquest terminis clars e gens, Ar auziretz Be conve, pos ja baissa·l ram Be deu en bona cort dir Be deu om chastian dire Be for'oimais drechs el tems gen, Be me plairia, senh'en reis, Be m'era beus chantars Be vei e conosc e sai, Ben es drechs, pos en aital port Can brancha·l brondels e rama Can creis la frescha folh'e·l rams Can la brun'aura s'eslucha Can lo glatz e·l frechs e la neus Car non ai Cardalhac, per un sirventes Chans en brolh ni flors en verjan De bels digz menutz frays De chantar De chantar ab deport En un chantar, Era, can vei reverdezitz Era, si·m fos en grat tengut, Era.m platz, Giraut de Bornelh, Er'ai gran joi que.m remembra l'amor Gen m'aten Ges aissi del tot no·m lais Ges de sobrevoler no·m tolh Ja·m vai revenen Jois e chans Jois sia comensamens La flors del verjan L'altrer, lo primer jorn d'aost, Leu chansonet'e vil Lo dolz chans d'un auzel, Los aplechs, M'amia·m men'estra lei. Mas, com m'ave, Deus m'aiut, Mot era dous e plazens No posc sofrir c'a la dolor No.m platz chans de rossinhol, No·s pot sofrir ma lenga qu'ilh no dia Nulha res a chantar no·m falh, Obs m'agra, si m'o consentis Per solatz revelhar, Planc e sospir Qui chantar sol Razon e loc Reis glorios, verais lums e clartatz, S'anc jorn agui joi ni solatz, S'era no poia mos chans, S'es chantars ben entendutz Ses valer de pascor Si ja d'Amor Si per mo Sobre-Totz no fos, Si sotils sens Si·l cor no·m ministr'a drech Si·m plagues tan chans Si·m sentis fizels amics, Si·us quer conselh, bel'ami'Alamanda, Sol c'Amors me plevis Solatz, jois e chantar Tals gen prezich'e sermona Tot gen m'estav'e suau et en patz Tot suavet e de pas Totztems me sol plus jois plazer Un sonet fatz malvatz e bo

De bels digz menutz frays
Aver et escudar
Non cuger'ieu trobar.
Sobeiras ia fon l'ans!
Per so·s passet mos chans
En patz iostals aussors;
E si·m fos er honors
D'eix lo trebalh cobrar,
Trop volgra mais donar
Mos gais sonetz ioyos
Ab bel ditz et entiers,
Entendables e plas,
Que trop escurs ni sobrestorias.

E ja no·m for enpays
D'eix region tornar,
S'ieu cuges encontrar
Bellas mas non per guans.
Mas falhitz es bobans
E pretz e bon'amors
E respiegz de senhors
D'acuylhir e d'onrar.
De que puesc doncs chantar?
Que·l chan ja·l fai razos
O·l noms es messongiers;
Qu'el temps dels ancias
Ioys chans ensems eron quo·l palh'e·l gras.

Tans n'i vey dels estrays
Del belh galaubejar
Que no·m n'aus amparar. -
Per que? No·m'o demans,
Que savis iest e grans;
Que ioys es en decors.
Non tanh neys als menors
Tals res a demandar.
Cuj ves tu conortar,
Tan sia guays ni pros?
Pero manhs cavaliers
Abaissa fagz vilas
E torna·l nom desobre soteiras.

De Bordel tro Lamays
No vuelh plus esperar,
......................................
Qu'ades m'es pretz mos chans.
Laissa·m! No·m plaj mazans
Senes razonadors!
Tant es lo mescaps sors,
No faj a razonar.
Be·m puesc meravilhar,
Que sols nada·l peissos!
En totz bos autz mestiers
M'aib aissel rovilhas
A ben triar los brezilhatz dels sas.

Re no·m val us sols trays
Al pas desencombrar.
Totz m'en cugei laissar;
Mas venra l'Alamans,
L'adregz e·l benestans,
Miralhs e guitz e flors
D'autres emperadors,
E creis per gran afar.
Pueis auziretz passar
Per luex e per sazos
Mals pas e mals sendiers
Ties ab Castellas,
De nom partitz e de cosselh propdas.

Tot salhira l'aguays,
Que no·l puesc pus celar,
Per que pert l'alegrar;
Que vey far don ve·l dans,
Per que suj malanans.
Quar o truep els aussors
Don cugei que fos sors
De ben-acosselhar,
Tro que l'auzi bailar
Contra me sos peos
A tal que·m fo sobriers.
No vuelh dir que trefas,
Si tot, s'o fos, ieu·m calera per mas.

No·m fauc de mans lor ays
A be-mas taynar,
Quan ieu vuelh sermonar.
C'auia, quar sermonans
Mi bat, selh non-fezans:
Qu'ieu no vuelh refeitors
Ni reglas de colors;
Quar ja per sopleyar,
S'ab fin cor ferm e clar,
Ni per trop capairos
No sera·l frair entiers
Nj verais ni certas,
Si·l dreit no siec e no·l guida la mas.

Source: http://www.cam.org/~malcova/troubadours/