Us cavaliers si jazia

Gaucelm Faidit

Ab chantar me dei esbaudir Ab cossirier plaing Ab leyal cor et ab humil talan, Ab nou cor et ab novel so, Al semblan del rei Thyes, Anc no cugei qu'en sa preizo Anc no·m parti de solatz ni de chan Ar es lo montc vermellc et vertc Ara cove Ara nos sia guitz Ara·m digatz, Gaucelm Faidit, Be·m platz e m'es gen Ben for' oimai, Can vei reverdir les jardis Cant la fueilla sobre l'albre s'espan Chant e deport, joi, dompnei e solatz, Chascus hom deu conoisser et entendre Com que mos chans sia bos, Coras qe·m des benananssa, De faire chansso De solatz e de chan, Del gran golfe de mar D'un amor, on s'es asis D'un dotc bell plaser Fortz chausa es que tot lo major dan Gaucelm Faidit, eu vos deman: Gaucelm, diguatz m'al vostre sen Gaucelm, qe·us par d'un cavalier Gaucelm, tres jocs enamoratz Gauselms Faiditz, de dos amics corals. Gausselm, no·m puesc estener Gen fora, contra l'afan Ges de chantar non aten ni esper Ges no·m tuoill ni·m recre Ges per lo freg tems no m'irais, Ja mais, nuill temps, no·m pot ren far Amors Ja non crezatz qu'ieu de chantar me lays Jauseume, quel vos est semblan Jauzens en gran benananssa, Lo gens cors honratz, Lo rossignolet salvatge Longa sazon ai estat vas Amor L'onratz, jauzens sers, Maintas sazos es hom plus voluntos Manens fora·l francs pelegris, Mas la bella de cui mi mezeis tenh, Mon cor e mi e mas bonas chanssos Mout a Amors sobrepoder, Mout a poignat Amors en mi delir, Mout m'enojet ogan lo coindetz mes Mout voluntiers chantera per amor N'Albert, eu sui en gran error No m’alegra chans ni critz No m'alegra chans ni critz N'Uc de la Bachallaria, Oimais taing que fassa parer, Pel joi del temps qu'es floritz, Pel messatgier que fai tan lonc estatge, Per l'esgar Pos comjat ay de far chanso Razon e mandamen Si anc nuills hom, per aver fin coratge Si tot m'ai tarzat mon chan Si tot noncas res es grazitz Solatz e chantar, S'om pogues partir son voler Tan aut me creis Amors en ferm talan Tant ai sofert longamen grand afan Tant sui ferms e fis vas Amor Tot mi cuidei de chanssos far sofrir Tot so qe·is pert pels truans amadors, Trop malamem m'anet un tems d'Amor, Tuich cil que amon Valor Una dolors esforciva Us cavaliers si jazia

Gaucelm, tres jocs enamoratz
Partisc a vos et a N'Hugon,
E chascus prendetz lo plus bon,
E laissatz me cal qe·us voillatz:
Una dompn'a tres prejadors,
E destreing la tant lor amors
Qe, qan tuich trei li son denan,
A chascun fai d'amor semblan:
L'un esgard'amorosamen,
L'autr'estreing la man dousamen,
Al tertz caucia·l pe rizen--
Digatz a cal, pois aissi es,
Fai major amor de totz tres.

Seigner Savaric, ben sapchatz
Que l'amics receup plus gent don
Qe franchamen, ses cor fellon,
Es dels huoills plazens esgardatz!
Del cor mou aqella dousors,
Per q'es cen tans majer honors!
De la man tener, dic aitan
Qe non li ten ni pro ni dan,
C'aital plazer comunalmen
Fan dompnas per acuillimen!
E, del cauciar, non enten
C'anc la dompn'amor li fezes,
Ni·l deu per amor esser pres.

Gaucelm, vos dizetz so qe·us platz,
For qe non mantenetz razon,
Q'en l'esgardar non conosc pron
Al amic, que vos razonatz!
E s'el i enten, es follors,
C'uoill esgardon lui et aillors,
E nuill autre poder non an --
Mas qand la blancha mas ses gan
Estreing son amic dousamen,
L'amors mou del cor e del sen!
E·N Savarics que part tan gen
Mantenga·l cauciar cortes
Del pe, q'ieu no·l mantenrai ges.

N'Ugon, pois lo mieills me laissatz,
Mantenrai lo ses dir de non,
Don dic que·l cauciars que fon
Faitz del pe, fon fin'amistatz
Celada dels lauzenjadors!
Et par ben, pos aital socors
Pres l'amics rizen, chaucian,
Qe l'amors es ses tot engan!
E qui·l tener de la man pren
Per major amor fai nonsen!
E d'En Gaucelm, no m'es parven
Que l'esgart per meillor prezes,
Si, tan com ditz, d'amor saubes

Seigner, vos que l'esgart blasmatz
Dels huoills e lor plazen faisson,
Non sabetz que messatgier son
Del cor, qe·ls hi a enviatz
C'uoill descobron als amadors
So que reten el cor paors,
Don totz los plazers d'amor fan!
E maintas vetz, rizen, gaban,
Caucia·l pe a mainta gen
Dompna, ses autr'entendemen!
E N'Ugo manten faillimen,
Qe·l teners del man non es res,

Ni non cre q'anc d'amor mogues.
Gaucelm, encontr'Amor parlatz
Vos e·l seigner de Malleon,
E pareis ben a la tensson
Qe·ls huoills, qe vos avetz triatz
E que razonatz pelz meillors,
An trahitz mains entendedors!
E, de la dompn'ab cor truan,
Si·m cauciava·l pe un an,
Non auria mon cor gauzen!
E de la man es, ses conten,
Que l'estreigners val per un cen,
Car ja, si al cor non plagues
L'amors, no·il agra·l man trames.

Gaucelm, vencutz etz del conten,
Vos e N'Ugo, certanamen,
E vuoill qe fassa·l jutgamen
Mos Gardacors, qe m'a conqes,
E Na Maria on bons pretz es.

Seigner, vencutz non sui nien,
Et al jutgar er ben parven,

Per q'ieu vuoill que·i si'eissamen
Na Guillelma de Benauges,
Ab sos digz amoros cortes.

Gaucelm, tant ai razon valen
C'amdos vos fortz, e mi defen,
E sai·n'una ab gai cors plazen
En qe·l jutgamen fora mes,
Mas pron vei que n'i a de tres.

Source: http://www.cam.org/~malcova/troubadours/