Vers es que bona causa es

Bertran Carbonel

Ab son amic si deu hom conseilar Alcun nessi entendedor, Als demandans respondi qu'es Amors Anc de joc no vi far son pro Anc non fo homs tant savis ni tant pros Anc per nulh temps--et ayso es serteza-- Aras puesc ben conoisser sertamen Atressi ve hom paures en auteza Bens e mals, cascu·s pareis, Bertran lo Ros, tu yest homs entendens, Bertran lo Ros, yeu t'auch cobla retraire Bon es qui sap per natura parlar Bontatz d'amic e de senhor Cascun jorn truep pus dezaventuros Cobla ses so es enaissi Conoissensa vei perduda, D'aquel mestier que hom a, cal que sia, De femnas drudeiras y a, De trachoretz sai vey que lur trichars Deus non laissa mal a punir, Dieus fe Adam et Eva carnalmens, D'omes atrobi totz aitals, D'omes say que van rebuzan, D'omes trobi de gros entendemen D'omes trobi fols et esservelatz D'omes trobi que de cors e d'aver D'omes trobi que son de vil natura D'omes trobi que, ab lur gent parlar, D'omes truep fort enamoratz D'omes truep que, per amistat D'omes vey ricx et abastatz D'omes y a e say n'un majormens E pos herba qu'ie·us don no·us dona grais En aiso truep qu'es bona pauretatz Enaisi com en guazanhar Enaissi com cortezia Et atruep ne d'autres fols vers Hom de be, segon bontat, Homs cant es per forfait pres Hostes, ab gaug ay volgut veramens Huey non es homs tant pros ni tant prezatz La premieyra de totas las vertutz Lo savis di c'om non deu per semblan Mais parla hom tostemps d'un mal, Major fais non pot sostener Mal fai qui'nclau ni enserra Mays falh qui blasma ni encolpa Motz homes trobi de mal plach, Non es amicx qui non o fay parven Nulhs hom non deu trop en la mort pensar, Nulhs hom non port' amistat Nulhz hom tan ben non conoys son amic On hom a mais d'entendemen Per fol tenc qui longua via Per fol tenc qui s'acompanha Per que non es mas astr'e aventura Que fals clergue fan sotz bela semblansa: Que tan trotatz c'a tot enoyamen Qui a riqueza e non val Qui adonar no se vol a proeza Qui non perve·s al dan perpetual Qui per bon dreg se part d'amor Qui vol paradis guazanhar Savis hom en re tant no falh Sel que dic qu'ieu fas foldat Si alcun vol la som'aver S'ieu ay falhit per razo natural S'ieu ben plagues als pecx desconoisens, S'ieu dic lo ben et hom no·l me ve faire Tals port' espaza e bloquier Tals vai armatz et a cors bel e gran Tota dona que aja cor d'amar Totz maistres deu estar Totz trops es mals, e qui al trop s'adeza Totz trops es mals: enaissi sertamens Una decretal vuelh yeu faire Us hom pot ben en tal cas vertat dir Vers es que bona causa es

Per que non es mas astr'e aventura
So qu'esdeven, cant yeu be m'o cossir:
Pero deu hom lo ben e·l mal grazir,
Pus a Dieu plai no vengua per dreitura.
Qu'ieu ai sufert dels mals d'Amors ganre,
E adoncx mais can pus l'era lials,
Mas d'aquels mals me son vengut mil be,
Que cascus es bos e fis e cabals!
Que ieu fera, per ma dezaventura,
De grans foldatz, mas ilh m'en fai giquir!
Aquest be n'ai et engenh et albir,
Que ses Amor me feran gran fraitura.
Per que no·m par, cant hom gen se capte,
Amors peccatz, mas estiers es mortals,
Car fin'Amors tol al cobe lo fre
E don'e serv e fai cortes los fals
E-ls pecx sabens, que no·l plai foletura:
Doncx, pus Amors sap tans bes far e dir,
Si mals en ve, en patz se deu sufrir,
Car ges tostems mala sazos non dura.
Per c'om non deu mal d'Amor dir per re
Car per assach dona trebalh als fals,
Car els trebalhs pot hom vezer e ve
Cals es soptes o es fis o venals:
Que re tan be, per c'Amors y s'atura,
Non pot hom mielhs manieyra prezumir
Qu'en los trebalhs, per c'Amors fai marrir
Los fols e·ls pecx can non segon mezura.
Ab fin'Amor atroba hom merce,
Ab que hom be y meta sos jornals,
Mas er es temps c'om volria dese
Esser amatz ses trebalhs e ses als:
Non es aissi, c'Amors neta e pura
Non deu leumens als amans cossentir,
Car mais l'am'om e mais la vol servir
Can sap esser en premier aspr'e dura.
S'ieu ren vali ni trobi per natura,
Plazen dona, a vos o deg grazir,
Car de vos ai sen e jenh et albir,
Per qu'ieu prec Dieu que.us don bon'aventura.
Al pus valen que anc portes sentura,
Chanso, t'en vai prezentar e formir,
A mon senhor de Berra, cuy potz dir
Qu'ieu sostenc chant com el fai valor pura,
E qu'ieu li·m do per faire e per dir
Tota cauza, sia frevol'o dura.

Source: http://www.cam.org/~malcova/troubadours/