Una chansoneta fera

Raimbaut d'Aurenga

A mon vers dirai chanso A mon vers dirai chansso Ab nou cor et ab nou talen, Ab vergoinha part mar[r]imentz Ab vergoinha part marrimentz Aissi mou Aissi mou un sonet nou Al prim qe·il timi sorz en sus Amics, en gran cossirier Amors, cum er que faray Amors, cum er, que farai? Apres mon vers vueilh sempr'ordre Ar m'er tal un vers a faire Ar resplan la flors envèrsa Ar vei bru, escur, trebol cel Ara non siscla ni chanta Ara·m platz, Giraut de Borneill, Ara·m so del tot conquis, Assatz sai d'amor ben parlar Assaz m'es belh Ben s’eschai qu’en bona cort Ben sai c'a sels seria fer Ben s'eschai q'en bona cort Braiz, chans, quils, critz Car vei qe clars Cars, douz e fenhz del bederesc Dona, si m'auzes rancurar Donna, cel qe·us es bos amics, Donna, cel qe·us es bos amics, En aital rimeta prima Entre gel e vent e fanc Er [se] sebro·ill foill del fraisse Er quant s'embla·l foill del fraisse Escotatz, mas no say que s'es Lonc temps ai estat cubertz, Non chant per auzel ni per flor Peire Rotgier, a trassaillir Pos trobars plans Pos trobars plans es volguz tan, S'il cors es pres, la lengua non es preza; Un vers farai de tal mena Una chansoneta fera

Apres mon vers vueilh sempr'ordre
Una chanson leu per bordre
En aital rima sotil;
Mas ges non ai'us de tordre
Si·m pert ma par ni·m ten vil
Q'ieu vas mon miels no·m apil.

Qar no sai qant m'ai a viure,
Per qe mon cors al cor liure;
E sapcha·n guidar dretz fil
Mos volers, e non s'ature
Mas en valen seinhoril;
Q'om no·s iau de son cortil.

Soven pens q'ailhors mi derga,
E pueis Amors ten sa verga,
Qe·m n'a ferit de grieus pols,
E·m ditz c'ap mals no·m aerga;
Q'ieu non sui escarniz sols
Q'escarnitz fon ia n'Aiols.

Cil qi m'a vout trist-alegre
Sap mais qu'i vol sos ditz segre
Qe Salamos ni Marcols
De fatz ric ab ditz entegre:
E cai leu d'aut en la pols
Qi·s pliu en aitals bretols.

Qe·m val q'ailhor non puesc creire
Q'anc no frais copa de veire
Plus tost q'Amors frainh e rom--
Mas si·l plaz qe·l mal cor meire
Il sap lieu soudar ses plom;--
Mas ha mi soudat trop som.

Viatz m'assajer'a volvre
S'Amors me volges absolvre;
Mas, pres en loc de colom,
Me fai de seschas envolvre,
Qe no·m gic penr'un sol tom,
E m'apella per mon nom.

--Mal dic; tainh qe m'en peneda--
Non -- per qe -- mos cors m'o veda.--
Amors me tol qe·m ten trist.--
Qi·t tol, non cug qe t'o reda.--
So·m tol qe plus l'aurai qist-
No·t tol so q'anc non agist.

Si aic gaug, qe·m tol e·m merma
Qar mos talenz no·m aserma.
Ben ai fol talan, per Crist,
Qar mos cors miels no s'aferma
En lai on faz gen conqist
Q'en sai on ai mon dan vist.

A Dieu prec qe mos precs auja:
Q·el vueilh'e don q'ieu m'en gauja
Lai on son volgutz amics
Qar--ja·l sieus fins cors s'esflauja--
Totz autres trop noms plus rics,
E non o dic ges enics.

Cel Dieus qi fes terr'e aiga,
Caut e freig, gent clergu'e laiga:
Afol sels qe desabrics;
C'ama voluntat veraiga
E ab cubertz fals presics,
Fan dan als drutz e destrics.

Domna, franca res veraiga
Eu que·us sui verais amics
A vos mi ren totz antics.

Plus qe ja fenis fenics
Non er q'ieu non si'amics.

Source: http://www.cam.org/~malcova/troubadours/