D'amor a hom pietat gran,
se·l diç un pauc en sospiran,
e podez lo leu esprovar
se a letras volez contar:
car la prima letra d'«amor»
apel'om «a», e nota plor,
e las autras qui apres van,
«emme o erre» en contan,
aiostas las, e diran «mor».
Donc qui ben ama plangen mor:
d'amor mor eu plangen tot l'an,
si pens façan li autr'aman.

ms. N

In amor trob pietat gran.
El diç un pauc sospiran.
Car laprima letra damor.
Apelom. A. enota plor. E
las autras qui apres uan.
M. O. R. eten con tan. Aio
stas la edira. Mor. Donc q(ui)
ben ama plangen mor. Da
mor moreo plagen tot la(n).
Si pens façan li autre fins
aman.

ms. P

DAmors abon pietat gran
Sel diz un pao sospiran
E podez lo leu esprouar
Se a letras uolez contar
Car la primas letras damor
Diz hom. a. e nota plor
E las autras treis qi apres uan
M. o. r. contan
Aiostas las e diran mor
Car qi ben ama plang e plor
Damor mor eu plagnen tot lan
Si cuig faisan li autraman