Vers Dieus, el vostre nom e de sancta Maria

Folquet de Marselha

A pauc de chantar no·m recre A pauc de chantar no·m recre A vos, midontç, voill retrair’en cantan A vos, midontç, voill rettrair’en cantan A! quan gen vens et ab quan pauc d’afan Ai! quan gen vens et ab quan pauc d’afan Amors, merce!: no mueira tan soven! Amors, merce: non mueira tan soven, Ben an mort mi e lor Ben an mort mi e lor Chantan volgra mon fin cor descobrir Chantan volgra mon fin cor descobrir Chantars mi torn’ad afan Chantars mi torna ad afan En chantan m’aven a membrar En chantan m’aven a membrar Fin’amors a cui me soi datz Fin’amors a cuy me suy datz Greu feira nuills hom faillenssa, Greu fera nuls hom falhensa, Hueimais no·y conosc razo Ja no·is cug hom qu’ieu camje mas chansos Ja no·s cuig hom qu’ieu camje mas chansos Ja non volgra q’hom auzis Ja non volgra q’hom auzis Meravil me cum pot nuls hom chantar Meravill me cum pot nuills hom chantar M'o dei tener car me sui conogutz Molt i fetz gran pechat Amors, Mout i fetz gran pechat Amors, Oimais no·i conosc razo Per Dieu, Amors, ben sabetz veramen Per Dieu, Amors, ben sabetz veramen Pos entremes me suy de far chansos Pos entremes me suy de far chansos S’al cor plagues, ben for’oimais sazos S’al cor plagues, ben fora oimais sazos Senher Dieu[s], que fezist Adam Senher Dieus que fezist Adam Si com sel qu’es tan greujatz Si cum cel q’es tan greujatz Sitot me soi a tart aperceubutz, Sitot me soi a tart aperceubuz Tan mou de cortesa razo Tan mou de corteza razo Tant m’abellis l’amoros pessamens Tant m’abellis l’amoros pessamens Tostemps, si vos sabetz d’amor, Tostemps, si vos sabetz d’amor, Us volers outracuidatz Us volers outracujatz Vermillon clam vos faç d’un’avol pega pemcha Vermillon, clam vos faç d’un’avol pega pemcha Vers Dieus, e·l vostre nom e de sancta Maria Vers Dieus, el vostre nom e de sancta Maria

Oimais no·i conosc razo
ab que nos poscam cobrir,
si ja Dieu volem servir,
pois tant enquier nostre pro
que son dan en volc sofrir:
que·l Sepulcre perdet primieiramen
et er sofre qu'Espaigna·s vai perden,
per so car lai trobavam ochaiso
mas sai sivals non temem mar ni ven;
las! cum nos pot plus fort aver somos,
si doncs no fos tornatz morir per nos.

De si mezeis nos fetz do
quan venc nostres tortz delir,
e fetz so sai agrazir
quan si det per rezensso;
doncs qui vol viven morir
er don per Dieu sa vida e la presen,
qu'el la donet e la rendet moren,
c'atressi deu hom morir non sap co;
ay! cum mal viu qui no·n a espaven!
que·l nostre viures don em cobeitos
sabem qu'es mals et aquel morir bos.

Aujatz en cal error so
las gens ni que poirant dir!
que·l cors, c'om non pot gandir
de mort per aver que·i do,
vol quecs gardar e blandir,
e de l'arma non a nuill espaven
que pot gardar de mort e de tormen:
pens quecs de cor s'ieu dic vertat o no
e pois aura d'anar meillor talen;
e ja no·i gart paubreira nuills hom pros:
sol que comens, que Dieus es piatos.

Cor sivals pot aver bo:
d'aitan poira s'en garnir
que l'als pot Dieus tot complir
e nostre reis d'Arago;
qu'el non cre saubes faillir
a nuill home que·i an ab cor valen,
tant pauc vezem que faill'a l'autra gen,
non deu a Dieu jes far pejuraso
qu'el l'onrara si·l serv honradamen,
c'ojan, si·s vol, n'er coronatz sa jos
o sus el cel: l'us no·il faill d'aquestz dos.

E ja non pretz fol resso
lo reis castellans ni·s vir
per perdre, qu'anz deu grazir
a Dieu que·l mostra el somo
qu'en lui si vol enantir;
et autre esfortz ses Dieu torna e nien:
c'aissi valra sos bos pretz per un cen
si acoill Dieu oimais a compaigno;
qu'el non vol ren mas reconoissemen:
sol que vas Dieu non sia orgoillos,
mout es sos pretz honratz et envejos.

Vida e pretz c'om vol de folla gen
on plus aut son cazon leugieiramen;
bastiscam doncs en ferma peazo,
el pretz que·s ten quan l'autre van cazen:
que totz sos pretz, sos gaugz e sos laus fos
en pensar fort quant a Dieus faich per nos.

Bels Azimans, Dieus vezem que·us aten
qu'enaissi·us vol gazaignar franchamen;
qu'onrat vos ten tant que a mi sap bo;
no·ill fassatz doncs camjar son bon talen,
anz camjatz vos, que mais val per un dos
c'om s'afraigna anz que forsatz chaia jos.

Source: http://www.rialto.unina.it/